ແຜນທີ່ສະບັບນີ້ອະທິບາຍເຂດການປົກຄອງຂອງ ສປປ ລາວ ໃນປີ 2007. ໃນລະດັບຊາດ, ແຜນທີ່ ສະແດງທີ່ຕັ້ງຈຸດໃຈກາງຂອງແຂວງ ແລະ ເມືອງ, ເຄືອຂ່າຍເສັ້ນທາງສຳຄັນ ແລະ ເຂດເຊື່ອມຕໍ່ແຂວງ ແລະ ເມືອງ. ຊື່ ແລະ ທີ່ຕັ້ງໃຈກາງແຂວງໄດ້ສະແດງບອກດ້ວຍຈຸດສີແດງໃຫຍ່ສ່ວນຈຸດສີແດງນ້ອຍແມ່ນ ສະແດງບອກເຂດໃຈກາງ ຂອງເມືອງ. ສຳລັບເມືອງແມ່ນໝາຍດ້ວຍລະຫັດຕາມລຳດັບ ຊຶ່ງໄດ້ບັນຈຸ ລວມໄວ້ຢູ່ກັບຊື່ຂອງເມືອງໃນ ເຄື່ອງໝາຍແຜນທີ່.
ໃນປີ 2007 ສປປ ລາວ ປະກອບດ້ວຍ 16 ແຂວງ ແລະ ນະຄອນຫລວງໜຶ່ງແຫ່ງ. ແຕ່ລະ ແຂວງໄດ້ແບ່ງອອກເປັນເມືອງໂດຍມີເມືອງທັງໝົດ 139 ເມືອງ. ຄວນເຂົ້າໃຈວ່າໃນເວລານັ້ນ ຍັງມີ ເຂດໜຶ່ງເພີ້ມເຕີມ ທີ່ເອີ້ນກັນວ່າ “ເຂດພິເສດໄຊສົມບູນ” ໄດ້ສ້າງຕັ້ງຂື້ນໃນປີ 1994 ໂດຍປະກອບມີ 5 ເມືອງ ແລະ ຕັ້ງຢູ່ລະຫວ່າງແຂວງວຽງຈັນ ແລະ ແຂວງຊຽງຂວາງ. ເຖິງຢ່າງໃດກໍ່ຕາມ, ໃນທ້າຍປີ 2005, ເຂດພິເສດນີ້ໄດ້ຖືກລຶບລ້າງ ແລະ ເມືອງ 5 ເມືອງ. ກໍ່ໄດ້ຖືກນຳໄປຮວມເຂົ້າກັບແຂວງເດີມຂອງຕົນ. ເມືອງລ່ອງຊານ, ໄຊສົມບູນ, ພູນ ແລະ ເມືອງຮົ່ມໄດ້ກາຍເປັນພາກສ່ວນໜຶ່ງຂອງແຂວງວຽງຈັນ ແລະ ສ່ວນເມືອງທ່າໂທມກໍ່ກາຍເປັນສ່ວນ ໜຶ່ງຂອງແຂວງຊຽງຂວາງ.
ກ່ອນສະຖານະພາບທາງທີ່ຕັ້ງທີ່ໄດ້ສະແດງຢູ່ໃນແຜນທີ່ນີ້, ນັບຕັ້ງແຕ່ປີ 1995 ຈຳນວນເມືອງໄດ້ມີການປ່ຽນແປງຢ່າງຫຼວງຫຼາຍ. ການສຳຫລວດພົນລະເມືອງ ແລະ ທີ່ຢູ່ອາໃສໃນປີ 1995 ໄດ້ແຈ້ງໃຫ້ຮູ້ວ່າມີເມືອງທັງໝົດ 133 ເມືອງ ແຕ່ຕົກມາຮອດປີ 2005 ຈຳນວນດັ່ງກ່າວນັ້ນໄດ້ມີການເພີ່ມຂື້ນເປັນ 141 ເມືອງຍ້ອນການເພີ່ມຂອງ 8 ເມືອງໃຫມ່. ໃນເຂດເໜືອສອງເມືອງໃໝ່ (ເມືອງແອດ ແລະ ສົບເບົາ) ກໍ່ໄດ້ຮັບ ການສ້າງຕັ້ງຂຶ້ນໃນແຂວງຫົວພັນ ແລະ ໜຶ່ງເມືອງ (ທົ່ງມີໄຊ) ກໍ່ໄດ້ຮັບການສ້າງຕັ້ງຂຶ້ນໃນແຂວງໄຊຍະບູລີ. ຢູ່ແຂວງວຽງຈັນໄດ້ມີເມືອງເພີ້ມຂື້ນອີກສາມເມືອງ (ເມືອງແມດ, ຫິນເຫີບ ແລະ ແກ້ວອຸດົມ). ສຸດທ້າຍຢູ່ແຂວງສະຫວັນນະເຂດມີສອງເມືອງ (ເມືອງໄຊພູທອງ ແລະ ພະລານໄຊ) ໄດ້ຮັບການສ້າງຕັ້ງຂື້ນ. ໃນປີ 2006, ຈຳນວນເມືອງໄດ້ຫລຸດລົງເປັນ 139 ເມືອງ; ເມືອງພູນແມ່ນລວມເຂົ້າກັບເມືອງໄຊສົມບູນ ແລະ ເມືອງລ່ອງຊານ ແມ່ນລວມເຂົ້າກັບເມືອງຮົ່ມ. ຄວນຈະມີການສັງເກດເຊັ່ນກັນວ່າໃນປີ 2008 ນັ້ນໄດ້ ເກີດມີໜຶ່ງເມືອງໃຫມ່. ກົມພູມສາດແຫ່ງຊາດ (NGD) ໄດ້ປະກາດ ແລະ ກຳນົດເຂດແດນໃໝ່ສຳລັບເມືອງທັງໝົດ ແຕ່ເຖິງແນວໃດກໍ່ຕາມປື້ມແຜນທີ່ນີ້ຍັງໄດ້ສະແດງໃຫ້ເຫັນເຖິງການແບ່ງເຂດການປົກຄອງໃນປີ 2007.
ນະຄອນຫລວງວຽງຈັນໄດ້ສະແດງໄວ້ຢູ່ໃນດ້ານຂວາມືຂອງແຜນທີ່. ເຖິງວ່ານະຄອນຫຼວງວຽງຈັນຈະມີເຂດການປົກຄອງນ້ອຍ ກໍ່ຕາມແຕ່ມັນກໍ່ມີຄວາມສຳຄັນທີ່ສຸດເພາະວ່າມັນແມ່ນເມືອງເອກຂອງປະເທດ ສປປ ລາວ. ເກືອບວ່າທັງ ໝົດຫ້ອງການບໍລິຫານລະດັບຊາດຂອງລັດຖະບານ, ສະຖານເອກອັກຄະລັດ ຖະທູດຕ່າງ ປະເທດ, ທຸລະກິດໃຫຍ່ໆ ແລະ ບໍລິສັດຄົມມະນາຄົມສຳຄັນແມ່ນຕັ້ງຢູ່ໃນທີ່ນີ້. ນະຄອນຫລວງວຽງຈັນປະກອບດ້ວຍ 9 ເມືອງ. ພື້ນທີ່ເຂດນອກເມືອງທາງດ້ານເໜືອ, ດ້ານ ຕາເວັນອອກ ແລະ ຕາເວັນຕົກຂອງເມືອງສ່ວນໃຫຍ່ຍັງນຳໃຊ້ສຳລັບ ການປູກຝັງຢູ່. ພູມມີປະເທດແມ່ນ ປົກຄຸມໄປດ້ວຍການ ກະສິກຳເພື່ອການຄ້າ ແລະ ທົ່ງນາເຂົ້າ. ແຕ່ເຖິງຢ່າງ ໃດກໍ່ຕາມພື້ນທີ່ດິນກຳລັງ ຖືກນຳໃຊ້ຫຼາຍເພີ້ມໂດຍໂຮງງານອຸດສາຫະກຳນ້ອຍ ເຊັ່ນໂຮງງານຕັດຫຍິບ ແລະ ໂຮງງານເຮັດ ເຄື່ອງເຟີນີເຈີ.
ໃນປີ 2007 ສປປ ລາວ ປະກອບດ້ວຍ 16 ແຂວງ ແລະ ນະຄອນຫລວງໜຶ່ງແຫ່ງ. ແຕ່ລະ ແຂວງໄດ້ແບ່ງອອກເປັນເມືອງໂດຍມີເມືອງທັງໝົດ 139 ເມືອງ. ຄວນເຂົ້າໃຈວ່າໃນເວລານັ້ນ ຍັງມີ ເຂດໜຶ່ງເພີ້ມເຕີມ ທີ່ເອີ້ນກັນວ່າ “ເຂດພິເສດໄຊສົມບູນ” ໄດ້ສ້າງຕັ້ງຂື້ນໃນປີ 1994 ໂດຍປະກອບມີ 5 ເມືອງ ແລະ ຕັ້ງຢູ່ລະຫວ່າງແຂວງວຽງຈັນ ແລະ ແຂວງຊຽງຂວາງ. ເຖິງຢ່າງໃດກໍ່ຕາມ, ໃນທ້າຍປີ 2005, ເຂດພິເສດນີ້ໄດ້ຖືກລຶບລ້າງ ແລະ ເມືອງ 5 ເມືອງ. ກໍ່ໄດ້ຖືກນຳໄປຮວມເຂົ້າກັບແຂວງເດີມຂອງຕົນ. ເມືອງລ່ອງຊານ, ໄຊສົມບູນ, ພູນ ແລະ ເມືອງຮົ່ມໄດ້ກາຍເປັນພາກສ່ວນໜຶ່ງຂອງແຂວງວຽງຈັນ ແລະ ສ່ວນເມືອງທ່າໂທມກໍ່ກາຍເປັນສ່ວນ ໜຶ່ງຂອງແຂວງຊຽງຂວາງ.
ກ່ອນສະຖານະພາບທາງທີ່ຕັ້ງທີ່ໄດ້ສະແດງຢູ່ໃນແຜນທີ່ນີ້, ນັບຕັ້ງແຕ່ປີ 1995 ຈຳນວນເມືອງໄດ້ມີການປ່ຽນແປງຢ່າງຫຼວງຫຼາຍ. ການສຳຫລວດພົນລະເມືອງ ແລະ ທີ່ຢູ່ອາໃສໃນປີ 1995 ໄດ້ແຈ້ງໃຫ້ຮູ້ວ່າມີເມືອງທັງໝົດ 133 ເມືອງ ແຕ່ຕົກມາຮອດປີ 2005 ຈຳນວນດັ່ງກ່າວນັ້ນໄດ້ມີການເພີ່ມຂື້ນເປັນ 141 ເມືອງຍ້ອນການເພີ່ມຂອງ 8 ເມືອງໃຫມ່. ໃນເຂດເໜືອສອງເມືອງໃໝ່ (ເມືອງແອດ ແລະ ສົບເບົາ) ກໍ່ໄດ້ຮັບ ການສ້າງຕັ້ງຂຶ້ນໃນແຂວງຫົວພັນ ແລະ ໜຶ່ງເມືອງ (ທົ່ງມີໄຊ) ກໍ່ໄດ້ຮັບການສ້າງຕັ້ງຂຶ້ນໃນແຂວງໄຊຍະບູລີ. ຢູ່ແຂວງວຽງຈັນໄດ້ມີເມືອງເພີ້ມຂື້ນອີກສາມເມືອງ (ເມືອງແມດ, ຫິນເຫີບ ແລະ ແກ້ວອຸດົມ). ສຸດທ້າຍຢູ່ແຂວງສະຫວັນນະເຂດມີສອງເມືອງ (ເມືອງໄຊພູທອງ ແລະ ພະລານໄຊ) ໄດ້ຮັບການສ້າງຕັ້ງຂື້ນ. ໃນປີ 2006, ຈຳນວນເມືອງໄດ້ຫລຸດລົງເປັນ 139 ເມືອງ; ເມືອງພູນແມ່ນລວມເຂົ້າກັບເມືອງໄຊສົມບູນ ແລະ ເມືອງລ່ອງຊານ ແມ່ນລວມເຂົ້າກັບເມືອງຮົ່ມ. ຄວນຈະມີການສັງເກດເຊັ່ນກັນວ່າໃນປີ 2008 ນັ້ນໄດ້ ເກີດມີໜຶ່ງເມືອງໃຫມ່. ກົມພູມສາດແຫ່ງຊາດ (NGD) ໄດ້ປະກາດ ແລະ ກຳນົດເຂດແດນໃໝ່ສຳລັບເມືອງທັງໝົດ ແຕ່ເຖິງແນວໃດກໍ່ຕາມປື້ມແຜນທີ່ນີ້ຍັງໄດ້ສະແດງໃຫ້ເຫັນເຖິງການແບ່ງເຂດການປົກຄອງໃນປີ 2007.
ນະຄອນຫລວງວຽງຈັນໄດ້ສະແດງໄວ້ຢູ່ໃນດ້ານຂວາມືຂອງແຜນທີ່. ເຖິງວ່ານະຄອນຫຼວງວຽງຈັນຈະມີເຂດການປົກຄອງນ້ອຍ ກໍ່ຕາມແຕ່ມັນກໍ່ມີຄວາມສຳຄັນທີ່ສຸດເພາະວ່າມັນແມ່ນເມືອງເອກຂອງປະເທດ ສປປ ລາວ. ເກືອບວ່າທັງ ໝົດຫ້ອງການບໍລິຫານລະດັບຊາດຂອງລັດຖະບານ, ສະຖານເອກອັກຄະລັດ ຖະທູດຕ່າງ ປະເທດ, ທຸລະກິດໃຫຍ່ໆ ແລະ ບໍລິສັດຄົມມະນາຄົມສຳຄັນແມ່ນຕັ້ງຢູ່ໃນທີ່ນີ້. ນະຄອນຫລວງວຽງຈັນປະກອບດ້ວຍ 9 ເມືອງ. ພື້ນທີ່ເຂດນອກເມືອງທາງດ້ານເໜືອ, ດ້ານ ຕາເວັນອອກ ແລະ ຕາເວັນຕົກຂອງເມືອງສ່ວນໃຫຍ່ຍັງນຳໃຊ້ສຳລັບ ການປູກຝັງຢູ່. ພູມມີປະເທດແມ່ນ ປົກຄຸມໄປດ້ວຍການ ກະສິກຳເພື່ອການຄ້າ ແລະ ທົ່ງນາເຂົ້າ. ແຕ່ເຖິງຢ່າງ ໃດກໍ່ຕາມພື້ນທີ່ດິນກຳລັງ ຖືກນຳໃຊ້ຫຼາຍເພີ້ມໂດຍໂຮງງານອຸດສາຫະກຳນ້ອຍ ເຊັ່ນໂຮງງານຕັດຫຍິບ ແລະ ໂຮງງານເຮັດ ເຄື່ອງເຟີນີເຈີ.
ຖ້າຫາກທ່ານຕ້ອງການແຜນທີ່ ທີ່ມີ
ຄວາມລະອຽດສູງ, ກະລຸນາດາວໂຫຼດຈາກ PDF